張王幼倫子女暑期工捱騾仔洗廁所當磨練

多重身份唔做少奶奶

「嘉頓新抱」張王幼倫（Michelle）出生於醫學世家，又嫁入豪門，卻從沒想過做少奶奶。她身兼多職，既是三子之母，又是著名珠寶設計師，又是領賢慈善基金創辦人兼主席，忙得不可開交，笑言一天有七十二小時都不夠用。她說：「我受父母影響，覺得婚後都一定要自立，可以話係『攞嚟賤』，真係好鍾意做嘢。我就算生完BB之後都冇坐月、補身，我乜都唔理，郁嚟郁去坐唔得定。」

雖然工作繁重，但她強調家庭始終佔她生命中的首位。提起三名子女，她表示自己的教育宗旨是要子女「follow your passion」做自己喜歡的事，才會事半功倍。兒子張嘉慶（Adrian）於劍橋畢業後，做了律師四年，最近辭職，打算再讀工商管理碩士。長女張詩賢（Amanda）於劍橋畢業後，再到法國讀碩士，現於時尚品牌新加坡的總部擔任採購。二女張詠賢於倫敦大學畢業，正於小學任教。對於三名子女均學業有成，並在不同的工作範疇上打拚，她謙稱：「OK啦，收貨。」但她竟說作為母親，亦有失敗的地方。她憶述：「有一次李雲迪嚟我屋企，見到屋企有鋼琴，佢問邊個識彈？但係佢哋三個都喺度話『我唔識，唔好叫我彈』。其實我有畀佢哋細個嗰陣試吓學琴，但我冇陪佢哋練琴，我最失敗就係冇坐喺度逼佢哋練。」

餐廳打工由朝企到晚

Michelle笑言自己並非嚴母，但卻故意讓子女做暑期工，由低做起，讓他們切實地感受工作的難處，吃吃苦頭。長女Amanda曾於ifc的麥當勞做暑期工，當Michelle接女兒放工到餐廳用膳，見她累得嚥不下東西，竟不是作出慰問，而是跟她說：「你知唔知呢塊銀雪魚等於你做幾多個鐘？」讓囡囡知道所有東西都得來不易。Adrian亦曾於餐廳打工，執枱、洗鑊，甚至洗廁所，統統都做過。Michelle說：「佢要由朝企到晚，頭兩日企到腳痛。不過有一次餐廳要佢serve cheese，佢覺得好威，好開心。」她表示兒子對於餐飲業抱有興趣，而其父親張力正亦有意讓他繼承家族生意，但Michelle強調絕不會勉強兒子，先讓他多了解公司運作，再從長計議。她說：「如果佢做得唔好，不如請人做。」

文：名人組

場地：四季酒店