有云「蜀中無大將，廖化作先鋒」，咁又係，五虎將都先後仙遊，蜀國當中打得又有將才嘅真係冇幾多個。而今時今日有人認為熟女冇乜吸引力，呢方面我絕對唔認同！依家就介紹熟女極品平塚千瑛畀大家欣賞，保證閣下從此對熟女完全改觀，甚至情結難解！
日本寫真女郎當中真係靚女多多，靚得嚟仲有一副豐滿身材嘅亦為數不少，好似今野杏南、星名美津紀、橘花凜等都係一級靚女兼擁有極品巨乳，不過有一樣佢哋全部欠缺嘅，就係高度喇！現時日本寫真界知名嘅女優平均得5呎4吋高，只有染谷有香鶴立雞群，有接近6呎嘅高度，但係有香個樣就唔算係絕色美人。而有美貌、有高度，仲有好雙乳嘅就有呢位美熟女平塚千瑛。
今年30歲嘅平塚千瑛風韻迷人，對於部分男士嚟講可能嫌佢成熟咗少少，但係綺麗嘅氣質配上滿含春色嘅面孔，真係引死人！此外，千瑛一副絕世好身材令男人熱血沸騰，令女士們相當妒忌，點解？因為千瑛身高5呎7吋，高挑得嚟仲有一對G Cup美巨乳，豐滿而婀娜嘅體態美，實在係世間罕見！
平塚千瑛喺2011年開始拍寫真，參加過選美活動「Miss Earth」，不過唔係猛龍唔過江，千瑛有樣有身材，而且氣質獨特，後來佢參加咗被譽為選美盛事之最嘅「日本環球小姐選舉」，可惜班評判唔識貨，索到啪啪聲嘅千瑛居然未能進身總決賽。雖然選美落敗，但係千瑛前途一片光明，拍寫真備受注目，喺藝能界亦站得住腳，除咗喺電視台綜藝節目經常見到佢嘅身影之外，阿妹亦密密拍電視劇，包括《星期六劇場 出租司機的推理日誌36》、《夥伴》等。
雖然工作忙碌，卻無阻千瑛繼續喺寫真界搏殺，風格更加愈見大膽，亦因為咁，佢表示自己成日被AV界問價，睇吓佢要收幾多肉金……應該係酬金至肯下海。不過，千瑛嘅答覆總係令大家失望，佢話拍三級片冇問題，但係拍AV就暫時未有考慮，睇嚟大家都要等多幾年先有機會一圓美夢喇！
年齡：30歲
身高：5呎7吋
三圍：35G-24-34
簡介：平塚千瑛會喺博客上同大家分享生活點滴，仲會上載好多性感又艷麗嘅自拍照畀大家睇，Click上去一定眼福不淺。
網址：http://ameblo.jp/chiaki-143x/
撰文：賢