林芊妤帶男友見家長

藝人林芊妤（Coffee）及馮鎵瀠（Naomi）昨日出席美容店開幕活動，現與男友拍拖五個多月的Coffee表示關係穩定，出街會大方拖手：「男友都想正常拍拖，佢係比較低調嘅人，因為上晒報紙，所以畀人笑，但佢反而安慰番我，同我講好快冇事，佢處理得好好，我加咗分。」問到男友有何吸引之處？她說：「大方得體、好體貼，可能佢外國返嚟，個人比較純，又唔會成日出去玩，我比較安心，同埋佢都幾錫我。」又稱男友已見其父母，但對方的家人因身在澳洲，暫未有機會見面。而Naomi透露現跟男友處於同居階段，未打算結婚：「有咗就另外再講。（避孕？）唔會專登去避，林心如都奉子成婚啦！我諗我都唔使避。」