女藝人陳嘉寶昨日到荔枝角出席活動，早前跟舊公司約滿的她表示現以自由身接Job，問到會否不習慣？她說：「都唔會！大個女咗，之前去咗寧夏為新書影相，又去巴黎睇時裝騷。（想簽大公司？）睇緣分，好似揀老公咁，唔係睇家底、條件，係睇係咪適合一齊行落去，依家唔心急，相信耶穌會畀我最好，暫時收入OK。」她又笑言最近有追睇奧運體操賽事，大讚巴西型男選手馬里安諾冇得頂！
