霆鋒聞下廚冧王菲含春笑瞇瞇

謝霆鋒、劉青雲聯同藝人雨僑、蔡瀚億、譚俊彥、湯怡和洪卓立等，前晚到九龍灣出席新片《驚心破》首映禮，霆鋒與青雲以一明一暗型仔Look亮相，兩位影帝再次合作，他們在電影中有多場戲均要一take過完成，甚考演技。

影帝一Take過考驗

霆鋒的女友王菲8月8日生日，有網友指阿菲與兩女到泰國布吉島度假慶生，霆鋒被問有否煮生日大餐給阿菲賀壽？他說：「唔講呢啲。（你有冇去布吉度假？）冇。」霆鋒雖不肯多講女友，但回答時笑瞇瞇，Sweet到爆。

提到戲中的一take過考驗，霆鋒說：「如果唔得，我都會要求再嚟過，但今次劇情好，台前幕後專業，拍得幾順。（打算同青雲下次拍笑片？）搞笑比喺40樓跳落嚟更難，況且我真係唔好笑呀！」

青雲談到再與霆鋒合作，他說：「大家都成熟咗。（霆鋒演技成熟咗？）我冇資格評論演技，導演要求盡量一take完成，我都緊張，會質疑自己演出，返去諗個戲諗好耐。（有冇同霆鋒交流廚藝？）我都唔識煮嘢食！（你有去街市買餸？）我鍾意行街市，知道吓啲嘢賣緊咩價錢，同埋想知道吓個世界係點咁啫！」

王菲	霆鋒、青雲、雨僑和蔡瀚億齊齊出席首映禮。	譚俊彥（左一）獲太太、父親狄龍及母親陶敏明撐場。

剪輯4D版 延後上映

此外，為迎合內地及海外市場，把故事呈現更好的效果給觀眾欣賞，電影公司決定將《驚》片剪輯成全新的4D版本，並延後至今年十月才上映，發言人表示對全新版本更有信心。

文：影視組