羅素力邀嘉玲 梁朝偉拍荷里活片

主演電影《帝國驕雄》及《有你終身美麗》（A Beautiful Mind）的奧斯卡金像影帝羅素高爾（Russell Crowe）秘密來港，前晚獲名人鄧永鏘邀作客。影后劉嘉玲亦有獲邀出席，並上載與羅素合照到社交網，留言「2 beautiful minds」。據知，羅素此行來港，是為了籌備明年初開拍的一部荷里活大型警匪片，電影將在美國、香港、澳門和內地取景。晚宴期間嘉玲與羅素惺惺相惜大談電影兼交流心得，羅素對嘉玲的見解甚為欣賞，並即場誠邀她為警匪片演出一個重要角色，更承諾盡快向她提供劇本參考。

「樂意同渴望合作」

此外，據知羅素在金像攝影師杜可風的推薦下，對「康城影帝」梁朝偉有更加深厚的認識，對他十分欣賞兼望他亦能演出電影中重要一角。當羅素得知梁朝偉和嘉玲是夫妻後，表現雀躍，希望促成這次合作！不過，據知梁朝偉的檔期已排到明年底，但羅素表示「萬一」今次未能成事，亦希望梁朝偉能演出其下一部大型製作電影。

記者求證嘉玲，她承認獲邀演出一事：「有同羅素高爾傾電影，我好鍾意佢部《孤星淚》、《帝國驕雄》，佢演技好好，係一個好出色嘅演員。（應邀演出？）各方面配合、劇本又適合的話，絕對樂意同渴望呢個合作，與不同出色嘅演員合作會產生演技上嘅火花，係一個挑戰，會有所得着。」至於老公梁朝偉會否接拍？她說：「我相信佢都好期待，但佢個檔期係一個疑問。不過羅素高爾下一個劇本都有興趣搵佢。」

滑水有老公傍住

另外，嘉玲與梁朝偉日前出海玩Wake Surfing（尾流滑水），並將片段上載到社交網，她表示：「同行仲有一位親友同吳廷燁共四人。我第一次玩都覺得有啲天分，可能我滑雪都叫玩得唔錯有關啦，都係好講求平衡力。」片段中見嘉玲表現出色，梁朝偉不時向她提點並緊張表示「呢個位啱喇」，夫唱婦隨相當恩愛。

文：專案組