Cosplayer以一身誇張又華麗嘅動漫角色示人，睇到Cosplay迷如癡如醉。提到Cosplayer，日本寫真界當中有唔少女優都是Cosplay出身，絕對係扮嘢天后，好似今日為大家介紹嘅逢坂愛就係其中一位喇！
日本AV界培養出好多扮嘢天后，因為女優們為咗取悅AV迷，一定要鑊鑊新鮮，呢部AV扮完女教師，第二部就要扮女間諜，好似AV大廠S1嘅《20 COS》系列咁，女優喺片中玩足20個不同扮相，扮嘢能力就係咁樣鍛煉出嚟喇。而寫真界亦有唔少扮嘢高手，好似之前為大家介紹過嘅林擒蜜紀就係其中一位，而今日同大家見面嘅逢坂愛同樣係扮嘢小天后。
今年24歲嘅逢坂愛青春嘅面孔上充滿蘿莉少女萌味，同時仲姣味爆錶，眼神媚態盡露，嘴仔兩角滿含春色，一睇就知佢最叻誘惑男人啦！誘人嘅地方仲有身材，雖然阿妹生得細細粒，身高只得5呎，但係胴體鮮嫩又白雪雪，胸前仲有一對飽滿E奶，加上凹凸有致嘅曲線美，吸引力超群！
逢坂愛喺2012年推出首部寫真映像作品《愛的看透愛》，正式加入寫真女郎行列，其實入行前已經薄有名氣，因為愛妹係Cosplay界寵兒，以蘿莉系面孔扮演各種動漫角色都入型入格，可謂扮乜似乜。而歷來愛妹扮演過咁多角色當中，就以《進擊之巨人》當中嘅人氣女角米卡莎最受注目，扮嘢工夫獲得肯定。愛妹扮得神似除咗靠化妝及打扮之外，本身亦對動漫相當熱中及有深厚認識，因而多次被傳媒邀請品評各部動漫作品。
講番愛妹嘅寫真工作，其演出風格以大膽為主，好多時衣着極為暴露，差少少就露出三點，而阿妹亦唔介意做出極具挑逗性嘅動作，擠胸、咬手指，甚至拉低條底褲都係家常便飯，故其演出被寫真迷稱為色氣深厚。
年齡：24歲
身高：5呎
三圍：32E-23-31
簡介：逢坂愛嘅寫真工作相當多，每次完成之後佢都會將性感寫真上載到Twitter同大家分享，大家Click上去保證有眼福！
網址：https://twitter.com/aisaka_megumi
撰文：賢