型男影星奧蘭度布林（Orlando Bloom）日前與歌手女友Katy Perry出遊時，豪晒「鵰兄」令全城瘋狂，其死敵兼小天王Justin Bieber前日與新女度假竟又全裸上場，誓爭一日之長短！
Justin與奧蘭度年前曾因傳撻着雙方舊愛Miranda Kerr及Selena Gomez而鬧不和，更當眾大打出手！奧蘭度近日剝光豬拍拖玩直立板成城中熱話，出名好勝的Justin即時「挑機」！
連日與澳洲索模新歡Sahara Ray於夏威夷度假的Justin前日流出於當地全裸連人帶「雀」落水的照片，仲有大特寫，比去年被偷拍的全裸照更清晰。身旁的Sahara則神態自若，似乎見慣見熟，但不少粉絲完全未睇厭，仲有網民對Justin「派糖」大感興奮，留言：「奧蘭度之後又有Justin，主呀！多謝你！」
而沐浴於愛河的奧蘭度卻懶理「鵰戰」，上周四與Katy繼續於意大利戲水，除旁若無人瘋狂攬啜纏綿，奧蘭度更肉緊到頻頻出「龍爪手」胸襲女友，到Katy想起身上水時，又出手捉實女友隻腳唔放，冤氣到極！未知是否連場「火併」令體溫上升，奧蘭度即場除褲過冷河，打出白滑「八月十五」！此外，英國傳媒《鏡報》（Mirror）另爆出Katy當日於沙灘洗手間亦被拍下裸照，照片隨時好似男友晒鵰圖一樣被瘋傳，認真慘慘豬！
文：外娛組