朱慧敏專心學佛隨時出家
藝人朱慧敏（Queenie）去年與彭懷安（Eddie）分手，前晚Queenie出席仁濟慈善晚宴時，否認兩人復合，並自爆近年專心學佛，曾興起出家念頭，揚言若有日真的出家，大家亦毋須驚訝。
朱慧敏前晚為慈善餐舞會任司儀，同場還有馬德鐘夫婦、歌手鄧麗欣（Stephy）、羅氏針織後人羅穎怡、王敏德女兒王曼喜、羅霖等現身支持，共襄善舉。
Queenie不時被傳與Eddie復合，她坦言沒有，感情生活順其自然。問到會否突然宣布與對方結婚？她笑言：「唔會，咁刺激，我現階段負荷唔到，過咗幾年就唔知，依家年紀細。（羨慕同屆港姐都差唔多結晒婚？）冇特別羨慕，每個人嘅人生唔同。」她又指近年專心學佛，曾有出家念頭：「但唔係咁易，要放低好多o野，我未放得低。如果有日我出家，大家唔需要驚訝。（放唔低咩人？）你哋囉！而且我都放唔低工作。」Queenie又表示回想起以前在美國留學時，也有參與不少慈善活動：「我賣旗好犀利，我賣完旗食埋個漢堡包，啲同學都仲未賣完。」
馬德鐘餐廳開分店
至於馬德鐘則透露最近忙打理新開張的日本餐廳，由於首次做飲食生意，事事親力親為，雖感吃力但開心，餐廳開業兩個月生意不俗，已計劃在香港區再開分店。而約滿無綫的他亦表示現屬自由身，無綫也曾多次斟他回巢拍劇，但一切視乎劇本而定。
鄧麗欣ball場搵贊助
以透視裝上陣的Stephy表明是代表其時裝品牌出席晚宴，並非以藝人身份出席，更自稱是商界女強人。甚少去ball場的她，希望可以趁機為其排球隊找贊助。問到會否乘機結識富二代？她笑言：「你提醒咗我，呢啲隨緣，我諗嘅都係為工作。（肯贊助你隊球隊會唔會加分？）唔可以因為贊助而加分，但贊助都唔拘，球隊支出大，依家物色緊贊助商。」
文：名人組