泳兒等救援困男廁半粒鐘

歌手泳兒前晚偕林峯、鍾舒漫、洪卓立等出席「的總愛心慈善晚會暨的總愛心行動啟動儀式」，每人輪流出場獻唱兩首歌，其中林峯出場時全場反應熱烈。講到此是的士總會活動，鍾舒漫分享曾遇過有禮的好司機，覺得他們有誠意做生意，而洪卓立則謂試過被司機伯伯認得：「一上車佢就問洪生去邊，之後佢仲唱咗兩句《彌敦道》。」

難忘甘肅體驗

講到參與慈善工作，洪卓立謂之前跟鍾舒漫到甘肅探訪山區小朋友時，去露天廁所的經歷令他印象深刻：「個廁所喺豬欄隔籬，去完之後即刻有成千上萬烏蠅飛嚟。」鍾舒漫亦謂在當地試過對住無際的山景去廁所。聽完兩人分享，泳兒即自爆一個難忘又尷尬的經驗：「有次食完飯好肚痛，於是去咗熟食中心嘅廁所，但點知女廁鎖咗，所以就衝去男廁，叫男朋友喺出面把風，但去完之後竟然發覺冇廁紙，於是男朋友即刻幫我去附近報紙檔買紙巾，就係咁我喺裏面留咗半個鐘，呢個故事教訓我記得要帶Tissue！」

鍾舒漫（左起）、洪卓立和泳兒前晚於慈善活動獻唱。	林峯勁歌熱舞，現場觀眾反應熱烈。	放大圖片

林峯MV泳褲上陣

至於林峯則表示近日忙於錄製關於夏天的新歌，希望八月內會推出，他亦謂之後會拍攝非常夏日的MV，更預告會穿泳褲：「沙灘梗係着泳褲，不過依家唔興三角褲，總之會夏日，都會玩埋水上活動。（會Show Body？）盡量，不過演唱會之後肥咗十磅，所以都要Keep番。」

文：音樂組　

攝：鄭家俊