香香做球隊經理人(目及)仔

藝人岑麗香與陳偉琪（Vicky）昨日在將軍澳出席籃球活動，Vicky大騷球技，談到日前赴韓拍攝無綫節目《3日2夜》於昨晚播出，她即指節目並非只有自己穿水着晒身材，更有挑戰自我的環節，期間更嚇到喊：「嗰啲Doctor Fish，好似有啲嘢喺身上爬，搞到我喊晒！（唔鍾意小動物？）好鍾意，但喺沙灘見到魚都會好驚。」至於香香透露小學時期曾擔任籃球中鋒，但中學時因身高而「告別球壇」：「有做籃球隊經理人，即是阿四。」又笑謂會去不同學校偷看籃球型男。