陳慧琳男女不分茅到飛起！
樂壇天后陳慧琳（Kelly）、謝天華與薛家燕等前晚為遊戲節目《我愛香港》錄影，穿露肩裝的Kelly透露已做足防走光措施，笑指大動作會交給男士負責，又表示會負責跳的部分。
Kelly錄影時玩得投入，跳到半空時又做趣怪表情，但奸茅得不時要助手提水，期間更爆出不少笑話，如主持曾志偉問到鬚刨是男性還是女性用，Kelly第一時間跳到女性位置，並說：「咁女人生鬚都要用鬚刨o架！好似吳君如咁。」後來問到乸型是男還是女，Kelly又搞笑地跳到代表女性的一邊，她說：「咁TB去派對都可以扮乸！」此言一出引來笑聲不斷，連主持亦笑她多辯駁。
天華做港節目夠親切
而曾於內地真人騷節目飲尿的天華，被問到是次節目是否較輕鬆？他說：「都唔同，香港有自己Style，港式少少，玩落同啲嘉賓又熟，主持又啱，感覺親切啲。」對於有指鄭嘉穎及黃宗澤等無綫小生將於約滿後離巢北上發展，天華說：「嘉穎係事實，10月約滿，之前同佢食過飯，知佢有咁打算；Bosco仲有約，出年點就唔知。（會唔會合作？）佢單拖一個都夠，有排忙呀！」至於薛家燕笑指節目獎品豐富，故跟其他嘉賓商議，誰勝出便五五分帳，認真搞笑。而有份擔任主持的洪天明及錢嘉樂，分別獲太太周家蔚、湯盈盈帶子女捧場。
文：影視組