麥明詩見證奧運開幕Live中忍淚

巴西里約熱內盧奧運於香港時間昨晨正式揭幕，開幕禮更展示一個虛擬的熱帶森林，甚有巴西風情，令人目不暇給。整個開幕禮最矚目要數由十人組成的難民隊進入會場，場面令人動容，而身在現場主持直播的麥明詩（Louisa）直認幾乎感觸落淚：「佢哋同埋南蘇丹、科索沃隊出場時真係好感動，因為三隊都經歷咗好多痛苦同動盪，但係都好有毅力咁展示自己，睇到我好想喊！但因為直播緊，所以要忍住，搞到個鼻好緊咁！」又謂場面壯觀，甫結束便開始緬懷。

空肚上陣 一心五用

談到直播中Louisa與同為主持的陳恩能（丹尼爾）「互寸」，當麥明詩介紹選手時，指該運動員與其父有同樣譯名，陳恩能即笑指她父親同樣姓麥，麥明詩即回一句：「咁你爹哋係咪姓丹？好似唔係噃！」她事後笑指沒有「嬲嬲豬」，更希望對方寸得落力啲：「好彩有佢接我講嘢咋，唔係我唔掂。同埋佢一搞Gag，我成個人都醒晒！」首度擔任奧運主持的她指直播殊不簡單，要一心五用般協調各方資訊：「嘩，一完咗個Live成個人即刻鬆晒，先發現自己全身發熱，個心跳得好快。」又坦言為準備直播幾乎全日空肚，至直播空檔才敢偷偷吃餅乾。

而藝人陳百祥（阿叻）、陳貝兒和李佳芯昨日則留守香港將軍澳電視廣播城主持開幕直播節目。早前到當地任火炬手的阿叻指開幕禮甚有巴西色彩：「用自然、環保同世界和諧方法嚟表達。（冇球王比利？）冇關係，佢哋係冇比利咁出名，但都表達到巴西特點。」而李佳芯指直播前心情亢奮，搞到半夜三時仍未能入睡。談到早前講錯「奧運」做「世界盃」，她指已特別括住「奧運」二字於資料上以防出錯：「應該會習慣，講唔番世界盃，但下屆世界盃要小心我會講成奧運。」至於陳貝兒覺得擔任奧運主持比做綜藝節目更大挑戰：「呢度只有大綱，其他嘢要自己發揮，好考即場反應。」又表示會帶面膜在休息時間敷，希望閉幕時依然Sharp醒。

田亮夫婦激讚驚艷

另外，前國家跳水隊成員田亮與老婆葉一茜飛到巴西觀看開幕禮，大讚儀式充滿南美風情，非常精神，更在微博分享照片及寫道：「場面真是被驚艷到了！」

文：影視組