讚老友夠Pro G.E.M.自認人格分裂
許廷鏗（Alfred）昨午乘坐保母車返牙醫診所時，發生交通意外，其好友鄧紫棋（G.E.M.）、胡鴻鈞及鄭俊弘紛紛送上祝福。G.E.M.說：「佢已經報咗平安，同埋真係好專業，咁快平復心情即刻返診所，佢有話我知司機送咗院檢查。」並代對方說：「大家唔使擔心。」身為好兄弟的胡鴻鈞說：「睇到新聞心都離一離，即刻打畀佢，佢話冇事。（仲返診所係咪好專業？）值得學習。（會叫佢入院Check吓？）佢咁大個人識照顧自己。」而同公司的鄭俊弘出席活動時說：「未打畀佢，知佢忙緊處理緊啲嘢，唔想騷擾佢住，但知佢個人冇事。（自己揸車會小心啲？）意外即係意料之外，冇人想嘅，但自己盡量會小心啲、精神啲。」
另外，G.E.M.拍內地真人騷節目《熟悉的味道》，自爆很情緒化，不擅與人交心，有點人格分裂：「我面對愈熟悉的人愈難說出內心情感，對不熟悉的人反而可以說出來。」最感恩是其一位超級粉絲，一直都是對方煮給她食。節目中，她煮的一道菜是粉絲曾煮給她食，但她雞手鴨腳，有如「地獄廚神」，連味精和鹽都分不清，火候控制不當，廚房煙霧瀰漫，被嘲「廚房黑洞」。昨日她上載素顏相，穿小背心晒馬甲線，身形消瘦，連胸也縮水。