為「輝爺」增肥20磅 王宗堯：我都幾邋遢

王宗堯與周家怡因合作網劇《導火新聞線》而建立深厚的默契和友誼，最近二人再攜手合作拍電影版《導》，再續未了緣。近日他們現身東網電視《娛樂onShow》，接受主持李文珊（Sherman）訪問。周家怡大讚王宗堯有義氣，但就沒有大聰明：「佢係有小聰明嘅，覺得凡係演員都有小聰明，因為要兼顧好多嘢，不過都係小囉！」此時王宗堯即笑指自己有「小宗堯」，言談間顯出二人的真友誼。

講感情事口窒窒

劇中王宗堯飾演的輝爺是個經常「免涼」的「臭男人」，王宗堯自爆現實中同樣是污糟邋遢，間中亦有「小整齊」：「有時我都幾邋遢，都係階段性嘅，好似最近要收拾啲舊物，將啲嘢倒晒出嚟，不過就冇咗個動力將啲嘢擺番好。」而周家怡飾演的方凝是同性戀角色，她於訪問中公然向王宗堯示愛，王宗堯即笑指她並非雙性戀，但說：「不過要變起上嚟就好難講。」周家怡為表清白即大叫「我鍾意男人」！而王宗堯被問感情事時竟吞吞吐吐，周家怡即說：「平時佢答嘢好快，不過講到感情就口窒窒。」

放大圖片	放大圖片	王宗堯與周家怡多番合作，愈見默契。

年紀大嘆減肥難

王宗堯今次為拍《導》片需要增肥20磅，他說：「平時一日食1至2餐，為咗增肥，當時一日食4、5餐。增肥唔難，不過減肥就好難！男人去到某個年紀，經常坐又少做劇烈運動，有啲位好難操番。」想知道王宗堯和周家怡幾有默契，快啲入東網電視，睇住《娛樂onShow》，感受他們訪問時的歡樂氣氛。

化妝：Aster Phang

髮型：王宗堯-Zap@private i salon、

周家怡-Vincent Yeung@Salon Osmosis

服裝：王宗堯-MAISON KITSUNÉ、

周家怡-Rococo

場地：香港九龍貝爾特酒店

文：專案組