藝人周家怡與王宗堯（Greg）日前為新片《導火新聞線》到戲院謝票，入場觀眾反應熱烈，Greg感動說：「最好嘅係喺戲嘅後段，我哋畀到一啲希望香港人，畀到香港人正面訊息，令到香港可以喺更多嘅難關中繼續行到出嚟。」首次孭飛做女主角的家怡對新片口碑票房亦很關注：「見到咁多好評同觀眾畀嘅鼓勵，話希望我哋繼續拍落去，仲會推介朋友睇，支持香港電影，我覺得好感動，見到觀眾鍾意，我超級開心。」
