唔少人都湧去內地搵銀，日本AV女優亦唔例外，好似蒼井空、波多野結衣、沖田杏梨等，混血索女瀧澤蘿拉更加長駐內地開工添！然而，有來自中國四川嘅萌妹亦成功登陸日本，佢就係今日為大家介紹嘅最強過江龍熊江琉唯喇！
日本寫真女郎擁有逼爆上圍嘅女優多不勝數，例如杉原杏璃、今野杏南、熊田曜子等都係人氣巨乳尤物。之不過，佢哋個胸大就大喇，但係生得唔高，翻查一下資料，發現近年知名度較高，而身高達1米7嘅寫真女優真係十隻手指數得晒，除咗高野人母美以及稻村亞美外，仲有一位來自中國四川嘅過江龍熊江琉唯！
21歲嘅熊江琉唯青春無敵，樣子嬌美可人，唇紅齒白，配合長長嘅烏黑秀髮，整潔形象予人感覺精神爽利，笑起上嚟更令人窩心又甜蜜。身材方面，咪以為佢生得好似同類型蘿莉妹咁細細粒，咁就真係錯晒喇！阿妹雖然身材瘦削，但係相當高挑，身高有5呎8吋，頭同身比例為1：9，而C Cup上圍亦甚有斤両，絕非高瘦平。
熊江琉唯來自四川，相信大家一定會深感高興，因為歷來極少有中國女仔能夠躋身日本寫真偶像之列，難得有呢位四川妹成功登陸日本，認真係為國爭光。事實上，琉唯嘅父母親都係日本人，阿妹喺中國四川出生，直至9歲回流日本生活。憑住出眾美貌同身材，琉唯喺上年以賽車女郎身份曝光，再參加選美比賽「日本Telegenic」之後，上位快過坐火箭。由於琉唯喺中國生活多年，懂得中文，而國際又吹起中國風，因而被電視台睇中邀請佢上節目教授中文，令其曝光機會同注目度大增。而口才了得個樣又夠甜美同斯文嘅琉唯，家陣除咗拍寫真以美色誘人，亦成為電視節目《PON！》當中嘅天氣女主播，前途無可限量呀！
簡介：從熊江琉唯嘅Twitter當中，大家可以見到作為馬拉松團體TOKYO GIRLS RUN成員之一嘅佢生活相當健康，成日練跑，想激發起運動決心嘅朋友不妨多Click上去睇。
網址：https://twitter.com/ruikumae
年齡：21歲
身高：5呎8吋
三圍：33C-24-34
撰文：賢