何傲兒街頭快閃晒唱功
藝人何傲兒（Lily）前日在社交網大玩直播，穿上緊身背心及連身褲的她，與朋友現身美孚街頭大玩街頭快閃唱歌，席間更唱出《下一站天后》及《風的季節》，吸引不少途人圍觀，網友更讚她人靚聲甜：「演而優則唱，唱得好好聽！」
昨日Lily接受本報電話訪問，興奮表示原來首次在街頭玩快閃唱歌，她說：「平時做騷唔會同觀眾有咁近嘅距離，成件事氣氛好好，好溫馨。（玩多啲快閃？）都想做多啲，係一個好好嘅交流。」Lily又自爆在快閃前刻意躲起來，卻被途人認出，她說：「初時未開始我匿埋咗，企喺個垃圾桶隔籬，但好多外籍家傭出街認到我，可能之前我拍過無綫處境劇，仲叫得出我劇個名，真係好有親切感！」