照顧病母壓力爆煲泳兒：想撼頭埋牆
歌手泳兒（Vincy） 的母親早前因腦出血入院，雖然手術成功，但未完全康復，現時仍需留醫接受治療。Vincy曾透露單計母親的醫療開支，短短半年已花費數十萬港元，但她仍努力工作照顧母親，並希望學習物理治療為病母按摩。
玩瑜伽減壓
昨日凌晨，身心疲累的Vincy似乎突然感觸，在instagram上載照片並留言自爆壓力爆煲，疑似與家人意見不合：「家家有本難唸的經，我嗰本經令我想撼頭埋牆。 #救救我 #仔女為你好但你總是不相信人 #我唔知點做好 #教吓我 #我好攰」粉絲見狀紛紛留言安慰，而她昨日在instagram上載練習空中瑜伽的短片，似乎是藉運動減壓。
Vincy昨日接受本報訪問，她以短訊回覆承認壓力爆煲：「多謝關心，確實近期有壓力爆煲的危機，最希望一家人同心解決問題。照顧家人是工作最大的動力，當然適當時都想放假休息，多謝公司同事一路的關心和體諒。今日出街搵朋友傾訴，也希望大家生活愉快。」
羅力威愛莫能助
Vincy的同門師弟羅力威昨日出席音樂會活動時表示：「知道佢媽咪嘅事，不過呢排少見佢。作為外人，實際都幫唔到啲乜，希望身邊朋友可以同佢分擔，最好係希望佢媽咪突然好番，如果有宗教信仰嘅都可以幫佢祈禱。」
採：音樂組
文：專案組