陳嘉桓搵煮食男 黃心美單身樂

藝人黃心美、陳嘉桓（Rose）、袁澧林、董嘉儀及Miss Hunny前晚出席ViuTV全新煮食訪談節目《Come On Baby》見面會，心美胞妹黃心穎爆出有圈中人想透過她認識家姐，又說會搵人照顧家姐，黃心美說：「我3月先分手，暫時想單身，再拍拖唔係玩玩吓。（對婚姻有恐懼？）離婚的確好傷心，但唔會恐懼，想享受單身多一陣。」談到擇偶條件，她說：「我係外貌協會鑽石級會員，男友梗要高大靚仔有幽默感，但有咁嘅條件嘅，又點解要揀我呢？所以最緊要係溝通到、接受到我嘅麻甩！」