湯洛雯有心水港姐

藝人陳豪、羅天宇、湯洛雯等昨日出席無綫劇集《完美叛侶》宣傳活動。踏入暑假，陳豪已計劃與子女去旅行：「早排成家人去台灣參加哥哥婚禮，大仔仲做花仔，表現都幾好。」去旅行要帶同初生B女會否很辛苦？他說：「會忙啲！要帶埋工人去。」
陳豪冧Fans玩自拍。
陳豪冧Fans玩自拍。

港男出身的羅天宇及港姐湯洛雯均有留意今年的選美活動，天宇細佬未能入選，他說細佬平常心對待，而湯洛雯就指入圍港男的Flow似唐文龍：「港姐方面，我睇好海外佳麗『大隻鍾嘉欣』Tiffany，佢靚女又大方。」

湯洛雯打扮涼浸浸，羅天宇卻熱到成身濕。
  • 湯洛雯打扮涼浸浸，羅天宇卻熱到成身濕。