傅家俊鋪路授徒

為「港產陀飛輪」萬希泉設計腕錶的傅家俊（Marco），昨日出席傅家俊設計系列新錶發布會，品牌創辦人沈慧林（William）、太子珠寶鐘錶集團主席鄧鉅明、轉攻錶界的藝人黃伊汶（Emme）、前港姐朱潔儀亦有出席。Marco升呢為設計師成為眾人焦點，不停被集郵團團轉，首次設計腕錶的他，以桌球為靈感，希望將來繼續推出不同款式的腕錶。

誕下兒子陳真四個月的Emme已完全收身，面對「神奇小子」，Emme直言曾「符碌」地奪得美式桌球溫哥華區冠軍：「專注打波嘅男士好型，希望兒子將來能跟Marco學藝。」

黃伊汶的兒子陳真才四個月大，她已向傅家俊「報名」教仔打桌球，真係「贏在起跑線」。	（左起）：鄧鉅明、傅家俊、沈慧林	放大圖片

趴到上張枱就打得

Marco亦計劃退役後做教練，若Emme的兒子有興趣，定會教授，他說：「只要夠高、夠手長就OK，可以趴到上張枱打波，個個唔同。」Emme表示相信囝囝六、七歲便可開始打，因他手長腳長，又大讚囝囝靚仔，影相好chok！

William透露剛歐遊返港，叉足電工作，返港後便與鄧鉅明開會，鄧生笑言：「我同佢唔係好啱傾，我年紀大咗，依家只想吃喝玩樂，佢後生要衝衝衝。」

鄧鉅明人生三部曲

William說鄧生教導他「人生三部曲」，零至30歲要學習，30至60歲要奮鬥，60歲後要享受。鄧生說：「我61歲喇，考慮放低少少，珍惜身邊人，最重要係知足，多啲同太太去旅行，搵錢留番畀後生。」朱潔儀透露早前於的士遺失了電話，內有超過二千張相，令她非常心痛。

文：名人組