黃心穎畀貼士打發有心人
藝人黃心穎、朱千雪及鄭俊弘昨日到九龍塘出席《DISNEY TSUM TSUM WALK N' ROLL FESTIVAL》活動，心穎及千雪均以露肩裝示人，鬥晒鎖骨。心穎自爆早前美國之行有艷遇：「我喺LA（洛杉磯），有日遲到咗個tour，酒店有個男士好好話車我去，我後尾都有畀貼士。感情我唔急，工作已經夠忙。（拍緊拖唔對外講咋？）唔知呢？點問我都話唔係，影到相先囉！」
為姊姊做紅娘
被問到介紹相睇對象予失婚年多的家姐黃心美，心穎說：「我唔算係瘋狂介紹，單立文就有，其實係想佢有人照顧。（心美仲要時間療情傷？）佢好番晒，未遇到啱啫，我清楚佢要啲咩，有幫佢過濾，圈內外都有人想識家姐，但我唔會講係邊個。」
千雪則表示妹妹有託她做媒：「三姊妹中我係大家姐，初入行時啲妹話圈中好多good looking男仔，叫我介紹，講啫，佢哋都唔識中文。」對於2012年港姐冠軍張名雅近日被指脹爆，千雪之前曾與對方食飯見面：「唔覺喎，可能影相角度，女仔有時少少腫正常嘅。（有指佢整容？）冇，佢選港姐都係呢個樣。」
文：影視組