胡定欣 滕麗名擺和頭酒慶功

由滕麗名、胡定欣主演的劇集《一屋老友記》收視愈來愈好，前晚平均收視30點，最高更有31點。昨日阿滕、定欣及張彥博等齊齊到電視廣播城出席收視報捷活動。最近阿滕被網民推舉為視后及女神，有指她風頭勁令定欣不快，更缺席之前演員飯局及宣傳活動。兩女甫現身，即被追問是否藉此「破冰」？定欣笑言：「唔見現場有冰囉！其實出席第一次宣傳後，因為我唔喺香港，所以先冇出席。我哋冇不和，劇集好有呢啲新聞都好平常，如果我哋繼續不和，收視繼續好都冇所謂。」在旁的阿滕亦笑謂：「咁要諗吓計點樣繼續不和喎！」

猜包剪揼請食飯

對於被網民睇好做視后，阿滕坦言聽到都起晒雞皮：「我真係冇諗過，我一年先幫無綫拍一套劇，畀我enjoy吓啦！（依家做少奶奶唔志在？）我都鍾意做少奶奶o架！」對於阿滕被網民睇好，定欣坦言沒有因此而不快：「我點會唔開心？我好戥佢開心，都戥所有呢套劇嘅同事開心。（好似畀阿滕搶咗戲！）其實各有各嘅戲份，唔會搶得走囉！」

問二人會否出現「爭視后」情況時，她們同聲同氣說：「唔會喇，都係新聞啫！」她們更笑言要擺和頭酒，定欣謂：「都唔係和頭酒，只係見收視好請大家食飯。」阿滕亦笑謂：「我哋猜包剪揼，猜輸咗請食飯啦！」定欣昨日亦有出席無綫節目綵排活動，負責打頭陣唱歌的她被問有否問「音樂人」男友陳明道意見？她說：「都有，佢係專業。」

張彥博當裕美兄弟

另外，張彥博被指與裕美曾拍結婚照，更幾乎結婚，他對此否認：「當時係拍廣告，大家先着婚紗影相。我哋冇拍過拖，大家識咗十年，我當裕美妹妹咁。當時做嘢係有好感，咁多年後只當佢兄弟。（追過佢？）我都追過好多人，係冇人接受啫！」

文：影視組