蕭正楠點蚊香防蟲咬Pat

蕭正楠、陳凱琳與黃智賢昨日為無綫劇集《翻生武林》開工，面對酷熱天氣，凱琳與智賢仍要以「錦衣衛」打扮上陣，蕭正楠則自言似點心不停翻蒸！提到消暑妙法，蕭正楠指雪定紅莓水提神：「但畀田蕊妮鬧話個身咁高溫，飲冰水好傷身。（女友翠如幫你準備啲咩？）佢買咗好多蚊香、驅蚊嘢畀我，搞到我好似阿婆咁，一坐低就點蚊香防蟲。不過有工作人員喺南生圍唔知畀乜嘢昆蟲咬，之後屁股側邊生晒水泡！」凱琳則指男友鄭嘉穎有溫馨提示飲多些水，未埋位時搵地方遮蔭，明顯曬黑的她又笑說：「我諗佢（鄭嘉穎）都唔發覺我黑咗定白咗！（少見？）總之放工會抽時間見面。」黃智賢笑言雖拍得辛苦，但很有滿足感。