神級宅男的秘密

令發哥願意宅在家中，除了發嫂的拿手好菜，還有另一最in的原因，他說：「我喺屋企就多嘢做囉，阿太（發嫂）做唔掂嘅嘢，譬如：水龍頭塞咗、通坑渠、掃樹葉、剪吓呢啲嗰啲，電器『彎』咗咁，做晒呢啲嘢，我會上網睇好鬼多嘢，飛機大炮、音樂、資訊性嘅嘢，好多時會睇吓新發明，舊陣時好鍾意砌模型，會搵番啲模型頻道，睇吓依家啲新模型，我鍾意飛機，嗰陣時有放滑翔機，又鍾意帆船，睇外國嘅帆船賽，遙控同真正嘅帆船賽都鍾意睇，好刺激！總言之我乜鬼都睇，我好鍾意求知欲，我上網時間唔多，大約個零鐘頭，夠啦，一日睇一啲，我又唔會喺度睇睇睇睇，睇到唔瞓覺，其實上網非常方便，好多時有啲嘢你唔識，你上去睇吓之後令你知識豐富咗，非常實用，所以我鍾意喺屋企自己靜靜地去學，因為網上實在太多老師！」