江美儀驚都想捧場

日前有捧場睇黃子華舞台劇的江美儀，得聞前晚觀眾席有人大嗌，她坦言感到驚訝：「其實係驚o架！不過子華同法拉係啱嘅，show must go on，導演唔叫停，眾演員都要繼續，好似我之前演舞台劇，都有啲觀眾電話響、行嚟行去大聲講嘢咁，我哋唔應該被呢啲嘢騷擾，不過佢哋今次比較驚啲，因唔知嗰個人留低啲乜嘢，但呢個情況我哋避免唔到，除非門外有人檢查背包或搜身，惟有希望大家唔會遇到唔開心嘅事！（咁驚會再去捧場嗎？）一票難求呀，我都冇飛，有都想去睇多次！」