呂慧儀誤當劇情需要
呂慧儀、米雪與蔡一智等前晚亦是舞台劇座上客，對於突然有男子大叫「特種兵有冇嚟！」呂慧儀與米雪都一度以為是大會安排，是舞台劇演出的一部分，呂慧儀說：「當時我坐喺張智霖後面，嗰個男人就喺佢前面，個男人突然起身大嗌，台上嘅子華同法拉都望住佢，我自己都嚇到唔敢出聲，仲問旁邊曾經睇過呢個劇嘅蔡一智有冇睇過咁嘅橋段，佢話冇咁嘅事。」
呂慧儀直言知道不是舞台劇其中一部分後，愈諗愈驚：「之前美國都發生過槍擊事件，呢個人離個台好近，真係幾得人驚，但台上嘅法拉好勁，因為咁啱演到佢嘅喊戲，佢繼續用佢嘅演技帶番大家入去舞台裏面。」
米雪亦直言當時太投入睇劇，沒有特別驚，她見子華、法拉繼續演，當然繼續睇，還大讚兩人好好戲，之後有機會定必會再捧場。