羅霖再嫁乜都要有

早前自爆有追求者J君的羅霖昨日出席電台訪問，她表示年底才有空決定是否認定對方，若J君成功過關也不會立即結婚，因為籌備婚禮需時：「我唔想草率，因為上次結婚乜儀式都冇，冇着裙褂、冇禮金、冇龍鳳鈪、冇斟茶畀父母，所以今次要做足，想父母開心。」她又稱已想好到馬爾代夫度蜜月，因為從未去過：「但要keep fit先，因為去得就要着泳衣。我依家都傾緊一個纖體廣告，如果傾成都要着泳衣影相。」她指今年接了不少廣告，收入比去年要多，在市道不景氣下，非常感恩。