畏高鍾浠文降傘玩上癮

模特兒倪晨曦（Elva）、鍾浠文（Zelia）、模特兒公司老闆李月（Bobo）及朱韵韵（Angel）日前一同到塞班島旅行，更在社交網站大晒比堅尼照，非常養眼！情同姊妹的她們透露此行本是為六月初生日的Bobo慶祝生日，但由於當時她剛佗BB，故現在待她穩定下來才去旅行。此行還有Bobo的老公及四歲囝囝，非常熱鬧。

Zelia透露此行作出了一大挑戰，就是玩水上降傘：「其實我畏高，但係大家都鼓勵我玩，原來上到去一啲都唔驚，仲好Enjoy添！我哋每人玩咗一至兩次，好唔夠喉，我哋之後幾日都book咗再玩。」她又表示將來希望挑戰跳降傘，待Bobo生BB後，四個好姊妹一齊跳。

延遲返港 男友so sad

問到男友有否投訴她們拋下他們去玩？Zelia說：「我哋玩到唔捨得走，決定延遲一、兩日返，我同男友講會遲返，佢有啲sad咁講咗句Enjoy。」而Elva則說：「我男友有叫我注意安全，小心啲，因為我哋去藍洞潛水，潛到去二十幾米，真係好靚！我男友係咁叫我小心啲，唔好一個人潛太深。」

懷孕四個多月的Bobo，雖然不能玩潛水及水上降傘，卻得到老公的貼身照顧：「佢一路睇住我，特別係上船落船，好體貼。」她透露今胎是女生，囝囝對於將成為哥哥感到興奮，並不時追問妹妹何時出世及親吻她的肚皮，非常幸福。

文：名人組