歌手彭家麗昨日舉行新碟簽名會，開心地表示獲忠實粉絲送禮物：「佢親手做咗頂帽、T恤同袋畀我，上面繡咗我新碟個名，好有心。」講到新碟成績好，會如何答謝粉絲？她說：「嚟緊會開多兩場簽名會，希望可以同多啲fans近距離接觸。（想開騷回報佢哋？）都想，要等公司安排。」另外，她透露最近在練韓文歌：「上年開始學韓文，基本嘅都識，依家學緊白智英嗰首《像中槍一樣》，希望遲啲可以表演。（叫公司做首韓文歌畀你？）睇吓佢哋有冇呢個冒險精神。」
