陳寶珠咳到天光照踏台板

名伶陳寶珠、梅雪詩（阿嗲）日前現身有線節目《星級會客室》，二人演出《牡丹亭驚夢》時先後抱病上陣，寶珠說：「試過幾晚咳唔停，咳到天光，第二日又去演出。出道至今第一次覺得咁攰，因要食藥又冇休息，個人好虛。」阿嗲亦堅持踏台板演出：「粵劇界規定點病都要出場，呢個唔係非人道，而係專業。我今次病咗，又整傷咗隻腳，每日都去做物理治療，然後又返去做戲，20場都係咁過，我只要有戲做就得。」