周家怡否認不和：冇話係佢！

藝人王宗堯、周家怡及何佩瑜（Jeana）昨日到荃新天地宣傳新片《導火新聞線》，提到廖碧兒被傳與《瑪嘉烈與大衛系列—綠豆》劇組不和，周家怡說：「冇不和。（傳佢NG多？）冇話係佢。（係邊個？）我唔知呀！嗰日係大衛（林保怡）請食飯、遊船河，廖碧兒好似要開工，我嗰日玩waveboard，大衛叫我唔好放手，後尾我隻手起粒粒，佢係明關照暗整蠱。」而王宗堯不同意廖碧兒犯眾憎：「佢幾間電視台都有作品，表示佢襟撈。」Jeana則說：「嚟緊我接咗套戲演精神病，我會閉關做準備。（唔怕抽離唔到？）就係想難抽離，演員角度係會enjoy。（嚇走晒追求者？）最好，我媽咪話想抱B，但我拖都未拍，我想生外籍混血B會靚啲。（想食洋腸？）借種生B咋喎！我冇諗咁多。最近同圈中人了解中，了解吓先。」