鄧麗欣女排升班謀日本集訓

藝人鄧麗欣（Stephy）昨日率領排球隊Loey出戰「第36屆全港公開排球錦標賽」，連贏兩局擊敗對手。贏波的Stephy非常興奮，與隊友擁抱。對於勝出比賽，她表示能夠完成由丙組升上乙組的目標，因只有兩隊能升班：「係一場都唔可以輸，上次輸咗一場都好擔心。（定了下個目標？）繼續升班，上咗乙組，之後再上甲組。」她透露之後有機會與隊友集訓：「但今年就考慮緊會唔會再去台灣，或者多啲Budget就想去日本。（搵緋聞密友小牛幫手？）又係佢？次次都關佢事。如果去台灣就一定搵佢，上年都係搵佢幫手聯絡學校打友誼賽，或者去佢學校打。」