藝人魯芬、雪梨及余慕蓮等昨日出席歌舞劇《香港過來人》拜神，魯芬透露早前於東莞拍網絡電影時，因地方不潔受感染，導致神經性皮炎，加上肝酵素高令身體容易疲累，醫生下令她戒肥膩食物兼減肥，她有感而發：「有時感染會引伸好多嘢，呼籲同行出外拍嘢前要問清楚，好似我咁就瀨嘢，住嘅地方唔乾淨，個身有少少痕冇理，返到香港發現有撻好似生蛇咁，原來免疫系統感染，身體差又會影響個肝酵素高，冇胃口唔使減都瘦十幾磅。」
而久未露面的劉少君則以監製身份出現，透露近年主力於內地、泰國及東南亞做生意，但身為演藝界一份子，亦望做出一點成就，故以六位數字投資《香》劇，暫定演十場以上。