李蘊餵全人奶 老公幫手
藝人李蘊昨日產後首度出席活動，面圓圓仍未收身，自爆有120磅的她希望再減10磅。談及餵人奶，她說：「有時BB扭計唔肯食，但我堅持餵全人奶，老公都有幫我按胸。」問到稍後會否安排囡囡上Playgroup？她說：「嗰啲都係唱歌跳舞，我自己都可以同佢玩。（唔係怪獸家長？）我唔會畀咁大壓力佢，我想小朋友輕鬆、快樂、健康咁成長，讀書冇得逼。」
同場的莊端兒被問到「男友」張致恒日前高調表示還未分手，她尷尬避答：「好開心有人高調愛我。（依家係咩關係？）感情嘢唔答。（佢係你邊個？）呢條好難答。（係男朋友定普通朋友？）兩樣都唔可以咁講。」她坦言二人仍有聯絡，但否認公司禁談戀情。
