鄭敬基復工行路有少少喘

現年53歲的藝人鄭敬基，日前因心臟血管栓塞入院做通波仔手術，休養一星期後，昨日復工到電台拍劇。談到首日復工便要踩足12小時，他坦言有時會覺得攰，行路亦有少少喘氣，體力只有以前的八成，希望一個月內可以回復十成！見他好像比以前消瘦，他說：「我諗瘦咗兩磅，不過依家都有65公斤，正常嘅。」問到老婆可有擔心？他說：「佢反而好樂觀，我做手術問佢『我入醫院你驚唔驚？』，佢話『唔驚，因為我姨丈講咗你有嘢o架嘛！如果搵到有嘢就開心，搵唔到先驚。』不過，佢依家喺飲食方面都有提我戒口，同埋會煲中藥畀我調理身體，所以老婆係我嘅天使，如果唔同佢結婚，可能我已經死咗。」他昨晨開工時在Facebook玩直播，不少同事如蒙嘉慧等都上前問候。