林海峰爆彭羚下年復出

DJ林海峰（Jan）昨日出席活動，提到太太彭羚早前為母校90周年主題曲獻聲，不少人希望她能復出樂壇，Jan笑說：「咁要等下一年喇，等佢母校再有紀念佢先會再做。（你畀佢再做？）呢個係榮耀嚟，唔存在我批唔批准嘅。」又指太太每次提起母校都非常雀躍：「有時架車經過九龍城，佢都會指住係咁講，我諗每個離開學校嘅人，可以幫學校做到少少嘢都會好開心。」