蔡加讚嘆爸B唔易做:諗嘢長遠咗

明天(19日)是父親節,對於玩具大王蔡志明兒子蔡加讚來說,今年的父親節意義特別重大,因為這是他與三子女一同慶祝的首個父親節。他說做父親責任重大,現在思考得較長遠,讓家人無煩惱及舒服地生活,正是他的座右銘!

現年30歲的蔡加讚與名模太太汪圓圓結婚兩年多,兩年抱三,原育有一女蔡婧妍,今年1月圓圓再為他誕下一對同卵雙生的孖仔蔡靖天和蔡靖曦,共組五口之家!

蔡加讚搖身一變成為三子女之父,今年的父親節,他首次與三個寶貝一同慶祝,別具意義,他說:「同三個仔女一齊好開心呀!第一次同佢哋過父親節,佢哋咁細個都唔預期會有乜禮物,不過呢個女同兩個仔都好乖。做咗爸爸之後,做嘢方面同計劃屋企將來嘅諗法唔同咗,同初初結婚時,或者得一個女時嘅諗法唔同,依家諗嘢長遠好多。」

妙計氹囡囡

問他認為理想中的爸爸應該是怎樣?蔡加讚說:「爸爸角色最緊要做一個榜樣,最重要令屋企人生活得舒舒服服,唔好有乜煩惱,供書教學,做一個好榜樣畀佢哋去學習,自己會留意。(會唔會偏心仔或女?)三個仔女都咁錫,絕對唔會偏心。為咗令個女唔好妒忌,我哋見小朋友之前,通常會同大女玩一陣先,等家姐唔好妒忌,唔好覺得我哋淨係去睇小弟弟,家姐都好錫兩個弟弟,所以應該冇乜問題。」

蔡加讚又指太太汪圓圓生了三個仔女,勞苦功高,大讚太太好辛苦和好偉大,對子女又關心,是一位好媽咪。

文:名人組