羅霖姊弟戀開花 冧爆被求婚
「美魔女」羅霖保養得宜，身材樣貌fit過少女，早前她遠赴法國為自己的酒業生意拍攝宣傳照，神秘追求者貼身追到當地，自薦充當「男主角」。昨日她以開胸裙出席記者會，風騷「露兩球」的她更首度讓追求者的背面曝光，自爆比她年輕十歲以上的男方已向她求婚，隨時準備再披嫁衣！
早前羅霖為旗下酒業推出以她名命的限量版美酒，飛到法國古堡拍攝宣傳照，昨日她穿上一襲開胸裙，大騷南北半球出席記者會，照片中的「新郎」背面亦首次曝光，二人有接近親嘴的鏡頭，相當親密！羅霖母親及一班藝人好友，包括趙哲妤及筱靖都有現身撐場，羅霖承認「新郎」正是追求者，她說：「我唔畀佢嚟，因為未100%肯定係佢，但佢千里迢迢追到過去，加咗好多分，依家變咗身邊好重要嘅一個人。不過呢排都好忙，年尾先考慮大家進一步關係。（求咗婚？）有求，但我冇應承，因為小朋友未見過，最重要係佢哋。」
「男友」年輕十歲以上
羅霖笑指記者會猶如預演婚禮，很多朋友來恭喜她，她指追求者比她年輕十歲以上，但思想成熟：「佢係內地人，喺內地做生意，可以叫佢做J君，佢真係好細心，有煮過飯畀我食，識咗兩年幾，呢六日拍攝期間，關係進步神速，又幫我拎衫拎鞋，我件婚紗整污糟咗仲話幫我洗，好感動！」她稱沒想過再婚，但當年結婚沒有甚麼儀式，感覺對不起家人，故若再婚定會再做儀式。
同場的藝人李司棋就透露跟羅霖認識很久，當年大家一起拍攝電視劇《真情》，大讚對方說：「我好鍾意佢，覺得佢好乖，做戲又好，我聽見佢有男朋友都唔信，頭先睇到張相，仲以為係佢個仔！（佢話追求者求咗婚？ ）唔怪得我一嚟到，佢就同我講如果第日結婚我一定要嚟！」
文：名人組