陳子聰激瘦肚腩凸

久未露面的陳子聰,昨日由太太何超儀陪同下現身中環,由不少藝人睇醫生的大廈步出,現場所見陳子聰由巔峰期220磅,消瘦不少,只剩肚腩仍然相當明顯,目測只有160磅左右,但精神卻不錯,只見他雨傘當拐扙用,全程步伐緩慢。何超儀體貼地相伴,刻意放慢腳步遷就老公,雖然中環名店林立,兩人沒有多行,便由司機接載離開。

其後記者嘗試聯絡何超儀,其公司發言人表示:「我哋都搵唔到佢。」而記者致電陳子聰所屬的樂隊廿四味成員阿肥及阿傑,兩人均表示很久沒有見過陳子聰,當中阿肥說:「我哋有時約出嚟飲嘢會叫埋佢,佢好多時一兩日先覆,不過唔覺得有乜嘢。(佢好似瘦咗好多?)我唔知喎。」另外好友Kevin仔被問到陳子聰瘦了不少,他則說:「佢成日話減肥,減完又肥,肥完又減。」