吳業坤上位坐火箭8月登陸紅館
歌手吳業坤去年憑大Hit歌《原來她不夠愛我》橫掃各大頒獎禮新人獎，更於無綫頒獎禮中一喊成名，還打破叱咤頒獎禮歷史紀錄，人氣急升的坤坤即被揭曾在賀台慶中扮棋子成為一時佳話，加入樂壇六年僅推出一張EP的坤坤終圓歌手夢，鐵定八月中登陸紅館舉行處男演唱會，得悉消息後的坤坤震驚說：「要同公司求證吓。」
現年廿六歲的吳業坤於2010年參加無綫《超級巨聲2》入行，一直被安排擔任音樂、綜藝、遊戲節目主持，甚至在劇集做二打六角色，亦於2014年的《萬千星輝賀台慶》中扮棋子。捱足五年，直至去年才獲唱片公司星娛樂垂青，正式簽約做歌手。
香港演出業協會助攻
人氣飆升後的坤坤即獲唱片公司重點力捧，唱片公司高層曾揚言誓要將他推上紅館舞台，昨日有指坤坤將於八月中舉行紅館演唱會，經查核，今次坤坤能圓歌手夢有賴香港演出業協會統籌及策劃幫手，原因該機構每年都會舉行夏日流行音樂節，目的吸引外地遊客來港睇騷，今年八月十二及十三日會舉行兩場「向雪懷一生中最愛作品演唱會」，坤坤紅館處男騷是夏日流行音樂節其中一個項目，據知，第三項目是台灣歌手楊宗緯。
「唔敢講太多」
對於能踏上紅館舞台，坤坤初時表現得相當震驚，他透過電話說：「我都要同公司求證吓先。」似未接受到事實，直到傍晚坤坤補充說：「首先多謝各個單位支持，公司努力籌備中，今次堅係好大挑戰，希望各方英雄仗義幫忙，依家仲等緊好多嘢去Confirm，未確定嘅嘢唔敢講太多，一有最新消息就會同大家講。」
文：音樂組