陳偉成爆舊愛甩拖潛咗水
2013年，蕊蕊跟剛與周秀娜分手的陳偉成暗交半年，但期間發現男方一腳踏兩船，怒斬情絲後揭發原來嫩模尹蓁晞（Yumi）介入戀情。直到去年9月，蕊蕊與陳偉成在活動上碰頭Friend番，更不時到他的健身中心做Gym。記者透過電話訪問陳偉成，他表示自從蕊蕊回復單身後，甚少見到對方：「佢感情出咗問題之後都好少上嚟做Gym，好少見到佢，亦唔敢搵佢，等佢冷靜咗先。」
另外，陳偉成昨日在微博自爆其健身中心的Facebook及Instagram帳號被盜用及刪除，估計是同行所為：「因為咁先打擊到對家生意，盜用都算，仲要Delete埋個Account，兩年建立嘅客戶冇晒，損失好大。」