蕊蕊搬竇眼紅紅攬金剛篋欲斷難斷

與金剛拍拖三年的歌手蕊蕊兩個月前突然「被分手」,她當時無奈回應一句:「佢啲嘢仲喺度!」盡顯傷感之情。揚言要重新出發的她近日被拍得坐言起行,隻身搬離昔日愛巢,但「難離難捨想抱緊些」,面對金剛一箱箱「遺物」,蕊蕊自然睹物思舊愛,不禁搬到雙眼通紅!

藝人金剛於4月中接受本報專訪時,突然單方面宣布與歌手蕊蕊三年情玩完,他於言談間雖神情黯然,但一句「唔想再拖落去」盡顯去意而決,隨即爆出「被分手」的蕊蕊以死相逼及崩潰自殺等傳聞,但她一一出面親自否認。分手至今,處處維護金剛的蕊蕊曾透露慢慢接受並學會自強,日前便被本報獨家拍得終於「的起心肝」,搬離與金剛共築一年的大埔愛巢!據知,蕊蕊仍未找到新屋,但寧願搬到朋友家暫住,把物品暫存迷你倉也要逃離傷心地。不過,面對一箱一箱與金剛有關的「遺物」時難免觸物傷情,蕊蕊更一度搬到眼紅紅。

模型入箱 珍而重之

當日下午約1時,一身輕裝、戴上黑框眼鏡以素顏現身的蕊蕊獨自現身,在搬運公司協助下把一箱箱舊物搬離大埔愛巢,大熱天時搬到身水身汗,盡顯「自強蕊」本色!三年情遺留下的舊物為數不少,紙皮箱與行李篋堆到高過門口,當中更驚見印有「Aloha」字樣的行李篋!「Aloha」是金剛身上其中一個紋身,他曾指「Aloha」包括「愛」、「希望」與「和平」,並對他意義重大,故該行李篋相信是情變下最貼身「遺物」!

初時蕊蕊對該行李篋置之不理,但期間又多次回望,顯得依依不捨,幾經掙扎後才把篋拖返私家車旁。期間見她用盡力推篋,似乎重量不輕,但她仍堅持獨自把篋搬上車,明顯不想棄篋而去。其後,蕊蕊又親手將一盒盒昔日與金剛共同擁有的模型,包括高達等搬到箱中放好。面對與金剛共住一年的愛巢,蕊蕊忍不住頻頻舉頭回望,盡顯不捨之情。

認有仔追 唔急再愛

事後,蕊蕊接受記者訪問時承認,對搬離愛巢仍有不捨:「係有少少唔捨得,始終都住咗一年,有好多回憶,但係做人總要向前看。(點解仲保留屬於金剛嘅『Aloha』行李篋?)我唔知佢仲有冇用,唔想浪費。(幾時畀番佢?)如果佢方便,希望佢盡快拎番,隨時Ready佢打畀我!(同佢冇聯絡?)分手後都冇喇!(篋入面有啲咩?)都係啲衫褲普通嘢。」分手後的蕊蕊坦言有不少男士約食飯:「當識多個朋友,但唔想咁快展開一段新感情,希望專心做嘢先,嚟緊都會出首快歌,努力搵錢!」

文、採:專案組

第一手消息請下載on.cc東網iPhone/iPad/Android