應昌佑恨兩歲仔做童星
藝人應昌佑（Charles）帶同太太及兩歲兒子應嘉軒、徐榮兒子徐朗（Karson）等昨日到太古城出席食店活動。Charles受訪時笑言兒子「多手多腳」勁好動似足自己，又讚他長得又重又高，搞到與太太湊仔攰到爆：「佢上車就掟盒餅掟到成車都係，喺屋企就掟波落電視！」提到有否考慮讓兒子當童星，Charles坦言對此不抗拒：「有人賞識佢都開心！（畀佢拍劇？）辛苦都唔緊要，畀佢試吓但要適可而止，讀好書先。」至於父親節安排，他笑言只要有兒子陪伴便滿足，又重申與太太想追女：「要睇個天！」
同場9歲的Karson透露父親徐榮因開工而缺席，他直言出門會掛念家中八個月大的妹妹「馬家好」徐心怡，又透露畫畫及寫心意卡作父親節禮物。問到會否想像爸爸一樣拍劇？Karson搞笑指嫌辛苦，夢想成為足球員。