現年21歲的美國女模Gigi Hadid與23歲英國男子組合One Direction前成員Zayn Malik分手，結束7個月戀情！據知他們於兩個月前曾吵大鑊，經歷多次分手及復合，最後還是各行各路。
美國小天后Taylor Swift大前日傳與蘇格蘭DJ男友Calvin Harris分手，其好姊妹Gigi前日亦傳與拍拖7個月的Zayn分手！據知兩人於4月吵大鑊，情海翻波，已多次離合，有知情者透露：「佢哋真係分咗手，但亦可能聽日就復合。依家會發生咩事都唔係好清楚，佢哋最近喺溝通同相處方式出現咗問題。」
有指分手一事令Gigi大受打擊：「Gigi好唔開心，主要係因為佢好掛住同Zayn成日喺埋一齊嘅感覺，始終佢哋曾經非常親密。」而Gigi日前在Snapchat上載繪圖，似乎想憑圖寄意，其中一幅作品畫有白色T恤，衣袖有心形圖案，她留言：「我知道好明顯，但我愛你。」日前又在Instagram上載與Zayn的合照及留言：「我掛住你。」
Gigi與Zayn去年11月被拍得外出時舉止親熱，兩人未有承認戀情，但Zayn其後邀請Gigi擔任新歌的MV女主角，更合演激情戲碼，間接公開戀情。至今年2月，Zayn接受電台訪問時被問及「搵女友拍MV係咪一件好事？」，他才正式承認與Gigi拍拖。Zayn與Gigi拍拖前，因被爆偷食而與未婚妻Perrie Edwards分手，Gigi則曾與過氣美國男子組合成員Joe Jonas相戀。有指Gigi早已料到與Zayn的戀情不會長久，沒有帶過男友見家長。
Gigi與好姊妹Taylor同時期分手，據知兩人格外有共鳴，現時互相扶持療情傷，Gigi日前更與好友Kendall Jenner行街散心。至於Taylor的前男友Calvin在Twitter回應分手一事：「唯一嘅真相就係，一段關係結束咗，留低嘅係好多愛同尊重。」
文：外娛組