婕西兒前後誘人

古今皆能

今年20歲嘅婕西兒，英文名Jessie，出生於廣州。阿妹樣貌俏麗，擁有激凸上圍，兼且玉背白滑誘人，簡直係引死人！喺眾多寫真模特兒當中，以賣弄身材同靚樣嘅大有人在，只係講到以玉背迷倒眾生就冇幾多個，因此喺寫真作品中，經常會見到佢大露玉背，展現非一般嘅魔力。

此外，佢仲有一個特點，就係不論時尚打扮定古裝造型，都散發出迷人美態，亦唔會覺得格格不入，難怪唔少攝影師都大讚佢魅力爆棚，尤其係古裝扮相，甚具古典氣質。由於佢造型多樣化同氣質獨特，令佢人氣不斷飆升，工作亦涉足其他範疇，包括內衣模特兒、車模、拍廣告等，雖然工作忙個不停，但係阿妹仍然不忘老本行，繼續推出寫真作品回饋粉絲。

性格開朗

家陣唔少人都鍾意玩網絡直播，婕西兒亦唔例外，既可以同粉絲互動，又可以讓更多人認識佢，一舉兩得。不過喺網上交流時，自然會引嚟一啲存心刁難嘅網民留下惡言惡語，本嚟阿妹性格開朗，對於惡言早有心理準備，只係遇着一啲句句難聽惡言嘅網民時，令佢禁不住大動肝火。

早前佢就喺微博上訴苦：「心裏承受能力一定的強，一個不知道哪冒出來嘅粉絲罵我，我請問，我和你睡了？和你們交易了？沒有就別說人壞話，我做內衣模特兒怎麼了，我性感怎麼了，你給我捐過一分錢旅拍的活動嗎？」雖然阿妹扯晒火，幸好佢好快就心情平復番，繼續玩網絡直播同粉絲進行互動。女神，真係唔易做o架！

婕西兒Profile

出生地：廣州

身高：170cm

三圍：35、23、35

個人微博

簡介：婕西兒嘅性格真係如風向般轉得快，嬲嘅時候夠晒火爆，開心嘅時候又夠直率，正正係呢種性格，吸引到咁多粉絲，話晒樣貌同身材睇慣咗，點都及唔上內在咁襟睇，係咪？

網址：http://weibo.com/u/5589387068?is_hot=1

撰文：魂