徐子珊跟王祖藍搵食
藝人徐子珊昨日以大使身份出席「香港星級品牌2016啟動禮」，她透露日前戴了自家品牌的手鏈到美國登台，獲男觀眾要求割愛，用作送給太太的驚喜禮物，最終子珊以正常價錢賣給對方。她謂：「好開心登台之餘又可以做到生意，其實我個關於珠寶網站仲搞緊，希望可以喺7月份正式做生意。」
自由身一段時間的她，原來將會簽約邵氏與王祖藍合作的經理人公司。她謂：「差未簽約呢步，但佢哋都好好，今日個活動係之前接嘅，佢哋都畀助手同司機跟我。（主力拍電影？）未知，要等祖藍返嚟傾吓未來方向，年期方面係合理嘅。（合約有冇唔畀拍拖、結婚同生仔？）冇呀，有啲咁嘅嘢咩？到時咪接其他嘢囉。不過都係唔好講，我未簽，費事一陣加呢個條款落去。」