信唔信我開你波吖嗱！我唔係話打交嗰種，而係打乒乓波、羽毛球咋。不過，我開波都唔算叻，最叻係稻村亞美呢位新進日本寫真偶像，點解嘅？因為阿妹經常擔任棒球大賽開球禮嘅投球嘉賓囉！
日本寫真界女優可以話長江後浪推前浪，不單止新一代女優愈來愈年輕貌美，身材更係纖巧又好波，而且高挑誘人。老一輩嘅寫真女郎好似小池榮子、根本春美身高5呎6吋，已經算高大，不過家陣好多寫真新勢力，好似染谷有香有成5呎9吋咁高，而今日為大家介紹嘅呢位新一代寫真偶像稻村亞美身高5吋8吋，胴體美態比號稱擁有「寫真界最強BODY」嘅染谷有香更加弗！
20歲嘅亞美五官唔算太標致，唔會話令人一見難忘，但係勝在夠甜美夠親切。然而，講到身材亞美就真係贏晒現役嘅日本寫真偶像，除咗因為個子夠高，胴體纖巧且健美十足，全身都係結實富彈性嘅肉地，另外仲有對又彈又挺嘅天然E奶，相信好多男人都會認為亞美呢副身材已達到完美標準。
亞美喺2013年參加選美比賽「Miss ID」，因為高挑好波而吸引廣大市民注意，佢仲憑住真材實料嘅身材奪得冠軍。雖然當時亞美升讀大學，但係學業卻無阻佢喺寫真界發展，喺2015年更成為傳媒嘅話題。話說阿妹自小打棒球，於是被某汽車品牌睇中邀請佢拍攝廣告，當中佢飾演一位棒球投手，由於佢投球有板有眼，而且胸前對巨乳隨動作激烈搖動，令其演出被廣泛討論，更加因為「波動」畫面太過吸睛，故被稱為「神搖動」！自此之後，亞美就被多次邀請為棒球賽擔任開球禮投球手，早前仲殺到過台灣開波，兼創出個人投球速度新紀錄，投出一個時速104公里嘅快速球，真係好波呀！
年齡：20歲
身高：5呎8吋
三圍：35E-24-35
簡介：稻村亞美成日都出入棒球場，大家想了解到亞美投球點樣有姿勢又有實際，可以多留意佢喺博客上最新消息。
網址：http://ameblo.jp/inamuraami/
撰文：賢