懶理財務狀況劉嘉玲：隨時退休
早前巴拿馬文件外洩事件，揭發全球多個富商政要在離岸避稅天堂設有公司或戶口，事件持續發酵中，在近日流傳的名單內更包括台灣男星吳奇隆。昨晚劉嘉玲以花花透視裙現身活動，被問到有否在巴拿馬開設離岸公司？她顯得一頭霧水，並反問：「巴拿馬喺邊﹖我冇留意呢單新聞。」她表示財務的確交予在BVI（British Virgin Islands）的離岸公司作安排，但強調是一般的正常財務安排：「唔好將件事變咗非法，我財務有交畀律師同會計師處理，我一陣都會問番佢哋呢件事。」她再重申：「真係唔好將呢啲新聞，帶到去唔正確嘅方向，我係一個非常奉公守法嘅人。」
問到嘉玲是否連自己有多少身家也不清楚？她坦言：「有幾多個0真係唔知，創造中。（有冇目標？）我冇，我隨時可以退休，我好有信心，但冇計過幾多個0，我有諗退休之後做啲咩，咁都要做吓嘢。（你可以相夫？）我一直都有，一邊相（夫）一邊做，因為工作可以擴闊我視野，帶畀我開心，我依家做嘢唔係想賺幾多，係想從中攞到工作經驗。」